Тукай районында дача йортында төнлә 51 яшьлек хатын-кыз янып үлгән
Скопировать ссылку
«Прибрежный» бакчачылык коммерцияле булмаган берләшмәсендә янгын турында хәбәр 5 ноябрьгә каршы төндә килә. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Фото: © Россия Гадәттән тыш хәлләр министрлыгының Татарстан буенча Баш идарәсе матбугат хезмәте
Урынга килеп җиткәч, янгын сүндерүчеләр такта мансардалы бер катлы агач бакча йорты януын ачыклый.
50 квадрат метр мәйданда ут сүндерелгән.
Янган калдыкларын актарганда, янгын сүндерүчеләр йортның 51 яшьлек хуҗабикәсе гәүдәсен табалар.
Беренчел мәгълүматларга караганда, янгынның сәбәбе мичләрне төзү һәм эксплуатацияләү кагыйдәләрен бозу булган.