Тукай районында буада баткан ир-ат гәүдәсен судан чыгарганнар
Скопировать ссылку
Тукай районы Калиновка авылы янында буада бер ир-ат батып үлүе турында хәбәр килде – ул кеше, бозның ватылып баруына карамастан, буа өстенә балык тотарга чыккан, дип хәбәр итә Татарстан МЧС хезмәте.
Фото: t.me/mchstatarstan
Чаллы МЧС бүлеге коткаручылары буадан ир-атның гәүдәсен чыгарган. Мәет ярдан 6 метр ераклыкта, боздан ачылган су өстенә калыккан булган. Бу кешенең шәхесе хәзер ачыклана, диелә.
Фаҗиганең сәбәбе - сулыкларда иминлек кагыйдәләрен үтәмәү (җимерелеп баручы боз өстенә чыгу), дип искәртә МЧС хезмәте.