Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тукай районында 8 яшьлек кыз батып үлгән
Кичә Татарстан Республикасының Тукай районында 8 яшьлек кыз батып үлгән. Баланы коткарыр өчен берничә секунд җитмәгән. Бу хакта Россия гадәттән тыш хәлләр министрлыгының ТР буенча Баш идарәсе җитәкчесе урынбасары Юрий Венедиктов хәбәр итте.
Ул сөйләвенчә, республика территориясендә урнашкан коры эссе һава торышы аркасында кешеләр күпләп сулыкларга йөри башлаган. Әмма су температурасы коену өчен уңайлы түгел һәм өске катламда 18 градустан да артмый.
Судагы фаҗигале хәл ТР Тукай районы Комсомолец бистәсендә булган. Кыз буага су коенырга киткән. Ачыкланганча, сулык төбенең рельефы кискен тирәнлеккә киткән. Нәтиҗәдә, бала ярдан суга тайпылып китә һәм куркып кала. Өлкәннәр аңа ярдәмгә ташлана, әмма кызны коткарып кала алмыйлар.
Россия гадәттән тыш хәлләр министрлыгының ТР буенча Баш идарәсендә искәртүләренчә, балалар өлкәннәр янында гына су коена ала. Өлкәннәр су төбенең рельефын һәм су температурасын тикшерергә тиеш. Шуннан соң гына балалар суга керә ала.
Кызыклы яңалыкларны күзәтеп бару өчен Телеграм-каналга язылыгыз