Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Туймазы татар дәүләт драма театры Муса Җәлил турында премьера әзерли
Туймазы татар дәүләт драма театры коллективы В. Жеребцов пьесасы буенча Муса Җәлилгә багышланган спектаклен чыгарачак. Пьеса Рафаэль Мостафинның Советлар Союзы Герое, татар шагыйре Муса Җәлилнең Бөек Ватан сугышы елларындагы язмышына багышланган документаль повесть-тикшеренүенә нигезләнеп язылган. Бу хакта Бөтендөнья татар конгрессы матбугат хезмәте хәбәр итә.
Шагыйрьнең тууына 120 ел тулуга багышланган, татар халкының күренекле улының батырлыгы, иҗаты һәм тормышы турында сөйләүче бу куелыш «Бердәм Россия» сәяси партиясенең «Культура малой Родины» проекты кысаларында тормышка ашырыла. Яңа куелышны режиссер Айдар Зарипов эшли.
Спектакльдә кичерәчәк вакыйгаларны һәм ул чорны яхшырак тою өчен, иҗади коллектив май ахырында Оренбург өлкәсенең Мостафа авылында — шагыйрьнең кече ватанында урнашкан Муса Җәлилнең Халык мемориаль музеенда булып кайтты. Артистлар Муса Җәлил тормышы һәм батырлыгы тарихына чумдылар, шәхси әйберләрне, документларның күчермәләрен һәм атаклы «Моабит дәфтәрләре» күчермәсен карадылар. Әлеге сәяхәт аларга спектакль атмосферасына кереп китәргә юл ачты
Бу көннәрдә исә куелышның декорацияләре, костюмнары эшләнә башлады. Спектакльнең рәссамы Алина Алимова артистлар, театрның сәнгать цехы белән очрашты. Алина Алимова – танылган театр рәссамы. Ул А.П.Чехов исемендәге МХАТ каршындагы Владимир Немирович-Данченко исемендәге мәктәп-студияне тәмамлаган, Армен Джигарханян җитәкчелегендәге театрның баш рәссамы, Россия Театр эшлеклеләре берлеге әгъзасы.
Кызыклы яңалыкларны күзәтеп бару өчен Телеграм-каналга язылыгыз