Хәвеф-хәтәр 6 ноябрь 2018 15:19

Тугыз яшьлек малайның телефонын үзләштергән Казан кешесе кулга алынган

Элек хөкем ителгән 25 яшьлек ир-ат үз корбанын махсус карап торганлыгын әйткән.

Скопировать ссылку

(Казан, 6 ноябрь, “Татар-информ”). Казанда мәктәп янында тугыз яшьлек малайның телефонын алган 25 яшьлек Казан кешесен СИЗОга озатканнар. Бу хакта Россия Эчке эшләр министрлыгының Казан буенча матбугат хезмәтендә хәбәр иттеләр.

"Савиново" полиция бүлегенә Яңа Савин районының 62 яшьлек хатын-кызы 9 яшьлек оныгының мобиль телефонын таныш булмаган кеше алуын әйтте”, диелгән хәбәрдә.

Килгән зыян 19 меңлек булган. Бу факт нигезендә “Талау” маддәсе буенча җинаять эше кузгатылган.

Полицейскийлар оператив төстә Айдаров урамында шикле ир-атны тоткарлаган. Элек хөкем ителгән 25 яшьлек ир-ат әлеге җинаятькә алдан әзерләнүен, урамда туры килердәй “корбанын” сагалавын әйткән. Ул кылган җинаятен таныган.

Тикшерү барышында ир-ат СИЗОга урнаштырылган.

#җинаять #суд

Сәхифәләр

Тугыз яшьлек малайның телефонын үзләштергән Казан кешесе кулга алынган