Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Юрист якын туганың вафат булганнан соң түләүләр алу ысулларын аңлатты
Россиядә яшәүчеләр туганнары вафатыннан соң кайбер түләүләр алырга хокуклы. Бу хакта «Прайм» агентлыгы юристы Мария Спиридонова сөйләде.
РИА Новости хәбәр иткәнчә, «Кеше күмү» турындагы федераль закон буенча, мәрхүмнең гаиләсе яки законлы вәкиле җирләү өчен түләгән булса, акчалата түләү башкарыла, дип билгеләп үтте белгеч. Бу очракта пособие күләме күмү хезмәтләре бәясенә тигез булачак, әмма киләсе ел индексациясеннән 4000 сумнан да артык булмый. Күмү өчен әлеге түләүне Пенсия фонды территориаль органында, иминият оешмасында, шулай ук яшәү урыны буенча халыкны социаль яклау органында рәсмиләштерергә була, диде юрист.
Юрист әйткәнчә, әти яки әни, ир яки хатын, тәрбиядә булган кеше, гаиләнең башка әгъзалары туендыручысын югалтуга бәйле акча алу өчен Пенсия фондына яки Күп функцияле үзәкләргә мөрәҗәгать итә ала.
Россия Хезмәт кодексының 141 маддәсе буенча, вафат булган кешенең хезмәт хакын аның гаилә әгъзаларына бирүне күздә тотыла. Эш бирүчегә тиешле документларны тапшырганнан соң, бер атна эчендә акча бирелергә тиеш.
Кызыклы яңалыкларны күзәтеп бару өчен Телеграм-каналга язылыгыз