news_header_top_970_100
news_header_bot_970_100

^Туган тел укытучылары М.Акмуллага багышланган конференциядә катнашты

^Туган тел укытучылары М.Акмуллага багышланган конференциядә катнашты

(Уфа, 2 март, «Татар-информ», Фәнис Фәтхуллин). Уфада күренекле мәгърифәтче һәм шагыйрь Мифтахетдин Акмулланың тууына 175 ел тулуга багышланган гыйльми-гамәли конференция булып үтте. Анда Уфадагы туган тел укытучылары һәм татар белән башкорт телендә белем алучы балалар катнашты. Конференциядә М. Акмулланың тормыш юлына һәм иҗатына багышлап укытучылар һәм укучылар арасында оештырылган фәнни эшләр бәйгесенә дә йомгак ясалды һәм җиңүчеләр билгеләнде.

Туган тел укытучылары һәм укучы балалар арасында үткәрелгән бәйгегә иң башта 60 эш сайлап алынган иде. Шулар арасыннан 5 укытучының һәм 12 укучының эше иң югары бәягә лаек булды. Аларга истәлекле бүләкләр тапшырылды. Бүләкләнүчеләр арасында Уфадагы 65 нче һәм 84 нче санлы татар гимназияләре мөгаллимнәре һәм укучылары да бар.

news_right_column_1_240_400
news_right_column_2_240_400
Медиаметрикс
news_bot_970_100