Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тубыл Сабан туенда балаларны татар милли бизәкләре белән таныштырганнар
![Тубыл Сабан туенда балаларны татар милли бизәкләре белән таныштырганнар](https://tatar-inform.tatar/resize/shd/images/uploads/news/2024/7/8/1e44efae7d9d733fff1bce8b32e6fd19.jpg)
Төмәннең «Яңарыш» газетасында Тубыл шәһәре себер татар милли-мәдәни автономиясе рәисе Зәйтүнә Тычинскихның «Гореф-гадәтләребезне саклаган милли бәйрәмнәр» дигән язмасы чыкты.
Июнь бәйрәмнәргә бай ай булды. Быел да Тубылда узган милли бәйрәмебез Сабан туенда катнашырга, үзебезнең гореф-гадәтләрне күрергә һәм иҗатыбыз белән таныштырырга мөмкинлек булды. Узган Сабан туенда себер татар милли-мәдәни автономиясе «Халкыбызның ишегалды күренешләре» темасына җиһазландырган чатырда бәйрәм кунакларын якты йөз белән Илтус Уразмәмәтов милли көйләр яңгыратып, баянда уйнап, җырлап каршы алды.
Д.Менделеев исемендәге Тубыл педагогия институтының филология фәннәре докторы, профессор Гүзәл Фәйзуллина үзенең фәнни тикшеренүләре нигезендә бастырылган мөселман метрик китаплары белән таныштырды. Тубыл педагогия институты доценты, сәнгать белгече Лидия Балахнина студентлары Юлия Шауфлер, Юлия Кравчур, Эльвира Хәбибуллина белән татар орнаментлары буенча мастер-класста балаларны искиткеч матур татар орнаментлар ясалган сувенирлар эшләргә өйрәттеләр.
Филология фәннәре кандидаты Гөлсинә Ташкеева себер татарлары теле һәм мәдәнияте буенча викторина, автономия әгъзалары милли ризыклар күргәзмәсе оештырдылар. Килгән кунакларны рецептлары белән таныштырдылар, бәйгедә катнашып, дипломнар алдылар.
Якты, матур хатирәләр калдырган бәйрәмнәрдә балалар белән очрашырга, аларны милли орнаментларыбыз белән таныштырып, үзебезнең милли открыткаларны ясау серләренә өйрәнергә дә мөмкинлек булды. «Себер татарлары открыткалары» дип аталган остаханәне быел милли бәйрәмебездә Тубыл рәссамы, сәләтле иллюстратор, укытучы Асия Закорюкина (Рәхимова) җитәкләде.
Бәйрәмгә килгән кунаклар, балалар белән себер татарларының мәдәниятен, милли колоритын чагылдырган төрле материаллар кулланып открыткалар ясадылар. Акварель, төрле төстәге гель, каләмнәр, фломастерлар кулланып күңелләренә ошаган рәсемнәрне бизәделәр.Матур хатирәләргә бай булган, гореф-гадәтләребезне саклаган, кунакчыллыгыбызны күрсәтеп узган милли бәйрәмнәребездә дуслык, татулык хөкем сөрде.,
(Римма Умитбаева тәрҗемәсе).
Кызыклы яңалыкларны күзәтеп бару өчен Телеграм-каналга язылыгыз