Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Новгородта татарлары көрәшне популярлаштыру хакында фикер алышты
21 февральдә Түбән Новгород өлкәсенең «Без бергә!» Татар иҗтимагый берләшмәләре конференциясе кысаларында Түбән Новгород өлкәсе татарлары төбәк милли-мәдәни автономиясе инициативасы белән түгәрәк өстәл узды. Бу хакта Түбән Новгород өлкәсе татарлары төбәк милли-мәдәни автономиясенең «ВКонтакте» социаль челтәрендәге төркемендә хәбәр ителә.
Анда «Түбән Новгород өлкәсендә Хәйдәр Бигичев елы» игълан ителү, 2024 елның 11 апрелендә Түбән Новгородның Яшь тамашачы театрында Ваһапов исемендәге фестивальнең юбилей концертын оештыру, Түбән Новгородта Татар мәдәнияте үзәге бинасын ремонтлау, билбау көрәшен популярлаштыруга бәйле һ.б. мәсьәләләр хакында фикер алыштылар.
Түгәрәк өстәл төбәкнең татар иҗтимагый берләшмәләре җитәкчеләре һәм активистлары, татар милли көрәше буенча төбәк спорт федерацияләре җитәкчеләре катнашында дусларча шартларда узды. Анда шулай ук Түбән Новгород өлкәсе мөселманнары Диния нәзарәте рәисе, Татарстан Республикасының Түбән Новгород өлкәсендәге сәүдә-икътисади вәкиле, Ваһапов исемендәге татар мәдәнияте иҗтимагый фонды директоры, Фәезханов исемендәге Түбән Новгород ислам институты ректоры һ.б. кунаклар катнашты, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз