Түбән Новгородта татар халык иҗаты фестивале узачак
Скопировать ссылку
23 октябрьдә Түбән Новгородта татар халкының бай мәдәниятен, гореф-гадәтләрен һәм сәнгатен чагылдырган зур масштаблы вакыйга – Татар халык иҗаты фестивале узачак. Бу хакта Түбән Новгород татарлары автономиясе хәбәр итте.
Программада:
- Гала-концерт — Түбән Новгород өлкәсенең вокаль һәм хореографик коллективлары һәм солистларының чыгышлары;
- Күргәзмә — милли аш-су һәм декоратив-гамәли сәнгать осталарының кул эшләре белән танышу;
- Презентация — «Нижегородские татары» журналының Түбән Новгород өлкәсенең татарлар өчен әһәмиятле тарихи урыннарына багышланган махсус чыгарылышын тәкъдим итү;
- Кунаклар чыгышы — Татарстан Республикасы, Мәскәү һәм Марий Эл артистларының номерлары.
Бәйрәм «Түбән Новгород татарлары. Традицияләрне саклыйбыз» проекты кысаларында, Татарстан Республикасы Рәисенең гражданлык җәмгыятен үстерү өчен гранты ярдәмендә тормышка ашырыла.