Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Новгород татарлары автономиясе татар теле курсларына балалар җыя
Түбән Новгород татарлары автономиясе татар теле курсларына балалар җыю турында игълан итә. Бу хакта Түбән Новгород татарлары автономиясе төбәк милли-мәдәни иҗтимагый оешмасының «ВКонтакте» социаль челтәрендәге төркемендә хәбәр ителә.
Беренче дәрес 28 октябрьдә 13.00 сәгатьтә узачак. Адресы: Түбән Новгород шәһәре, 28Е (2 кат). Дәресне педагог Алия Хәлиуллина үткәрә, ул 1 сәгать дәвам итәчәк.
Дәреснең программасы текстны кычкырып һәм эчтән уку; төрле төрдәге текстлар белән эшләү; татар мәдәнияте турында хикәяләр; әдәби әсәр тексты белән эшләү; сөйләм культурасы; сүзләрне дөрес язуны үз эченә ала.
Курсларга йөрүчеләр түбәндәгеләргә өйрәнәчәк:
- укуның индивидуаль темпын исәпкә алып, текстны кычкырып, салмак кына, бүленмичә иҗекләп һәм тулы сүзләр белән укырга;
- ишеткән, шулай ук сыйныфта укылган кыска әсәрләрнең эчтәлеген аңлау, аларда төп логик өлешләрне аерып күрсәтергә;
- мәгънәсен аңлап, текстның билгеләнгән урыннарын эчтән укырга;
- үзең хакында сөйли белергә.
Алия Хәлиуллина Сафаҗәй авылында туган. Түбән Новгород татарлары автономиясе төбәк милли-мәдәни иҗтимагый оешмасы активисты, татар кызлары арасында үткәрелгән «Нижгарсылу-2023» бәйгесе җиңүчесе, татар теле олимпиадалары призеры. Бүгенге көндә Түбән Новгород губерна көллиятендә башлангыч сыйныфлар укытучысы белгечлеге буенча I курста белем ала, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз