Түбән Новгород татар автономиясенең яшь активистлары Яңа ел алдыннан очрашу оештырды
Скопировать ссылку
23 декабрьдә Түбән Новгород өлкәсе татар автономиясендә яңа ел алдыннан яшьләр очрашуы узды. Бу хакта Түбән Новгород өлкәсе татар автономиясе төбәк милли-мәдәни иҗтимагый оешмасының «ВКонтакте» социаль челтәрендәге төркемендә хәбәр ителә.
«Очрашуга, нигездә, автономия эшчәнлегендә катнашучы активистлар килде. Алар вакытны күңелле итеп үткәрде, аралашты, төрле өстәл уеннары уйнады. Яшьләрнең сөйләшер сүзләре, планнары күп җыелган иде. Тиздән, яңа ел каникулларында кабат очрашырга сүз куештылар. Әлеге очрашуга килгән, шәхси вакытын сарыф иткән һәм якташларына – татарларга тагын да якынайган һәркемгә рәхмәт әйтәсе килә. Яңа ел белән, дуслар!» - диелә хәбәрдә.