Татар дөньясы 16 февраль 2024 07:48

Түбән Новгород татар автономиясе татар берләшмәләрен «Без бергә» конференциясенә чакыра

Скопировать ссылку

21 февральдә Түбән Новгород өлкәсе татарлары автономиясе Халыклар бердәмлеге йортында «Мы вместе! Без бергә!» Түбән Новгород өлкәсе Татар иҗтимагый берләшмәләре конференциясен үткәрә. Бу хакта Түбән Новгород өлкәсе татарлары автономиясе төбәк милли-мәдәни иҗтимагый оешмасының «ВКонтакте» социаль челтәрендәге төркемендә хәбәр ителә.

Чарада Түбән Новгород өлкәсенең татарлар күпләп яши торган районнарыннан, шулай ук Дзержинск һәм Түбән Новгородтан делегацияләр катнаша.

Чара кысаларында мактаулы кунаклар, шулай ук Түбән Новгород өлкәсе татар иҗтимагый оешмалары җитәкчеләре эшчәнлекнең төп юнәлешләре турында чыгыш ясаячак.

«Нижгарлар. Сезне конференциядә катнашырга һәм якташларыбыз әзерләгән концертны карарга чакырабыз! Башлана – 11.30 сәгатьтә. Концертның махсус кунагы – Россиянең атказанган, Татарстанның халык артисты Наилә Фатехова», - диелә хәбәрдә.

#Түбән Новгород татарлары

Сәхифәләр

Түбән Новгород татар автономиясе татар берләшмәләрен «Без бергә» конференциясенә чакыра