Авыл 28 май 2023 23:45

Түбән Каманың авыл хезмәтчәннәре югары бүләкләргә лаек булды

Скопировать ссылку

Түбән Кама районы Каенлы авыл җирлеге башлыгы Рәмис Гарипов һәм крестьян-фермер хуҗалыгы башлыгы Илнур Зәйнуллин югары бүләкләргә лаек булды. Бу хакта Түбән Кама муниципаль районың рәсми сайтында хәбәр ителә.

«Иң яхшы авыл җирлеге, крестьян-фермерлык хуҗалыгы, кооператив» конкурсы нәтиҗәләре буенча «Татарстан Республикасы агросәнәгать комплексының кече хуҗалык итү формаларын үстерү буенча иң яхшы авыл җирлеге башлыгы» номинациясендә Рәмис Гарипов җиңү яулады.

Ә «Татарстан Республикасының иң яхшы крестьян хуҗалыгы башлыгы» номинациясендә Илнур Зәйнуллин иң яхшысы булды.

«Лаеклы бүләк белән котлыйбыз, муниципаль районның авыл хуҗалыгын үстерүдә алга таба да уңышлар телибез», - дип язган социаль челтәрдәге үз сәхифәсендә Түбән Кама муниципаль районы Башкарма комитеты җитәкчесенең авыл хуҗалыгы буенча урынбасары Альфред Нигъмәтҗанов.

Конкурс җиңүчеләрен бүләкләү Зәй районында авыл халкының эшлекле активлыгын арттыру мәсьәләләре буенча семинар-киңәшмә кысаларында узды. Киңәшмәдә Түбән Кама делегациясе дә катнашты.

#Түбән Новгород

Сәхифәләр

Түбән Каманың авыл хезмәтчәннәре югары бүләкләргә лаек булды