Түбән Камадан Рәхилә Корбангалиева махсус операциядә катнашучылар өчен мендәрләр тегә
Түбән Камада яшәүче Рәхилә Корбангалиева һәр кичен тегүгә багышлый. Ул хәрби хезмәттәгеләр өчен мендәрләр ясый. Кечкенә эшләнмәләргә фронтта ихтыяҗ зур, чөнки мондый мендәрләр күп урын алмый, аларны күчереп йөртү уңайлы, ә окопта яки блиндажда ял итәргә кирәк булса, ярдәм итә. Бу турыда «Татар-информ» яза.
«Бу мендәрләр өчен поролон кисәкләре кирәк. Без җиһаз материалларыннан калдыкларны алабыз, мин шуны кулланам», – ди активист.
Хатын-кыз инде ике тапкыр башка гуманитар йөк белән бергә мендәрләрен җибәргән. Икесендә дә 35әр мендәр теккән. Башта эш әкрен барган, хәзер исә Рәхиләнең «кулы шомарган». Бер сәгать эчендә 10-15 мендәр җитештерә. Аңа гаилә әгъзалары ярдәм итә.
«Буш вакытым булганда, ярдәм итәргә тырышам. Минемчә, бу хезмәт итүчеләр алдында бурыч», — дип ышана Рәхиләнең улы Ришат Корбангалиев.
Бу юлы Рәхилә инде 65 мендәр ясаган. 100 данә тегәргә ниятли.
Махсус хәрби операция РФ Президенты Владимир Путин карары буенча 2022 елның 24 февраленнән үткәрелә. Хакимиятләр аның куелган максатларга ирешкәнче, шул исәптән Россиянең иминлеген гарантияләүче шартлар булдырылганчы, дәвам итәчәген белдерә.
РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында күбрәк heroes-tatarstan.ru яки 117 телефоны буенча белергә була.
Материал Надежда Баһаветдинова катнашында әзерләнде.