Түбән Камадан Лисичанск һәм Рубежное шәһәрләренә чираттагы гуманитар ярдәм җибәрелде
Түбән Кама халкы Донбасста яшәүчеләргә ярдәм күрсәтүен дәвам итә: көн саен диярлек җыю пунктларына гуманитар ярдәм килә. Чираттагы партияне «Добрые сердца» төркеме активистлары «Бердәм Россия» партиясенең җирле бүлеге белән берлектә җибәрде.
Автомобиль кузовы азык-төлек, кием-салым һәм гигиена чаралары белән тутырылган. Һәр тартмага ярдәм сүзләре язылган язулар урнаштырылган.
«Лисичанск һәм Рубежноега чираттагы ярдәм. Тыныч халыкка. «Бердәм Россия» партиясе белән бергә эшлибез. Кешеләр гигиена чаралары да, кием-салым да, азык-төлек продуктлары да алып киләләр. Болар барысы да анда кирәк», - дип хәбәр итте «Добрые сердца» төркеме җитәкчесе Лариса Орлова.
Чираттагы партияне җибәргәннән соң ук шәһәрдә икенче йөкне җыю башланган. Химиклар урамы, 72Б адресы буенча урнашкан ярдәм кабул итү пункты эшен дәвам итә һәм ярдәм күрсәтергә теләүчеләр өчен ачык, диелә хәбәрдә.