Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Түбән Камадагы 8 нче мәктәпне илкүләм проект буенча төзекләндерәләр
Түбән Каманың Яшьлек урамындагы 8 нче урта мәктәп бинасына капиталь ремонт ясау дәвам итә. Эшләр «Яшьләр һәм балалар» илкүләм проектына кергән «Балаларга иң яхшысы» федераль программасы кысаларында алып барыла, дип хәбәр итә Татарстан Төзелеш министрлыгы.
Мәктәптә ишекләр һәм тәрәзәләр алыштырылачак, җылыту, вентиляция, су белән тәэмин итү һәм канализация системалары яңартылачак. Шулай ук электр монтажлау һәм аз агымлы челтәрләрне ремонтлау каралган, ә биналарда эчке эшләр башкарылачак.
Моннан тыш, уку йортына яңа җиһазлар алыначак. Проектны гамәлгә ашыруга 146 млн сумнан артык акча юнәлдерелгән.
Хәзерге вакытта объектның әзерлеге 55 процент тәшкил итә.
Кызыклы яңалыкларны күзәтеп бару өчен Телеграм-каналга язылыгыз