news_header_top_970_100
news_header_bot_970_100

Түбән Камада журналистиканың үз энциклопедиясен булдырырга җыеналар

Түбән Камада журналистиканың үз энциклопедиясен булдырырга җыеналар

Татарстан Матбугат көне алдыннан Башкарма комитет җитәкчесе Рамил Муллин Түбән Камада ТР Журналистлар берлеге вәкилләре белән очрашты. Журналистика ветераннары да, эшләүче журналистлар да катнашкан очрашу «Мимино» кафесында рәсми булмаган шартларда узды.

Әңгәмәне Рамил Муллин ачып җибәрде, катнашучыларны якынлашып килүче һөнәри бәйрәм белән котлады. Аның сүзләренчә, хәзер, кызганычка каршы, фикерне һәм мәдәниятне массакүләм таратучы булган совет журналистикасы принциплары тулысынча диярлек югалган. Бу хакта Түбән Кама муниципаль районы рәсми сайтында хәбәр ителә. 

Традицияләр турында сөйләшү массакүләм мәгълүмат чаралары тарихының төп моментлары һәм әлеге өлкә эшлеклеләре чагылдырылачак республика журналистика энциклопедиясен төзүдә катнашу турында дәвам итте.

«Хәзер эш системасы, нигезләр төзелгән вакытка кире кайту, тарих битләрен актарып, катлаулы моментларны күрү мөһим. Дөнья үзгәрә һәм, идарә итү системасына караганда, җәмәгать оешмалары күбрәк дәрәҗәгә ия булачак. Шуңа күрә кызыксынулар буенча берләшергә кирәк. Шуңа бәйле рәвештә, үз энциклопедияңне дә булдырырга мөмкин», - диде Рамил Муллин.

 Җитәкче сүзләренчә, соңгы вакытта кешеләр аралашуның кыйммәтен аңлады, бүгенгесен бәяләргә өйрәнде. Аның сүзләренә караганда, бу традицияләрне саклап калырга һәм үсеп килүче буынга тапшырырга кирәк: «Без киләчәктә сыйфатлы журналистиканың саклануын телибез икән, монда дәвамчанлык зур роль уйный».

Шәһәр проблемалары турында сөйләшкәндә, журналистлар экология, юлларны, җәяүлеләр юлларын, ишегалларын ремонтлау, дамбаны каплау темаларын күтәрде. Рамил Муллин барлык юнәлешләр буенча да эш алып барылуын, әмма һәрвакытта да ресурслар җитмәвен билгеләп үтте.

«Без шәһәр яхшырак һәм матуррак булсын өчен эшлибез, мондый эшнең үрнәге булып беренче төзүчеләр тора. Аларның дәрте Түбән Кама – кешеләр өчен шәһәр төзү өчен җитте. Безнең бурыч - яшьләр Түбән Камада калсын өчен, мондый эшне дәвам итү. Журналистлар бу планда фикерләр һәм проектларны халыкка җиткерүчеләр булып тора».

 

news_right_column_1_240_400
news_right_column_2_240_400
news_bot_970_100