Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Түбән Камада янгыннан зыян күргән 25 кеше стационарда кала
Түбән Камадагы предприятиедә янгыннан зыян күргән 25 кеше стационар дәвалануын дәвам итә. Бу хакта Түбән Кама районы башлыгы Радмир Беляев эшлекле дүшәмбе киңәшмәсендә хәбәр итте.
Аның сүзләренчә, 6 апрель иртәсенә медицина учреждениеләрендә 25 кеше бар. Аларның унысы – Мәскәүнең медицина оешмаларында, алтысы – Республика клиник хастаханәсендә, тагын тугызы Түбән Кама үзәк район күппрофильле хастаханәсендә дәвалана.
70 зыян күрүчегә амбулатор ярдәм күрсәтелгән. Бүген бер кеше хастаханәдән өенә чыгарылган.
«Барлык пациентларда да сәламәтләнүнең уңай динамикасы күзәтелә», – дип билгеләп үтте Радмир Беляев.
Исегезгә төшерәбез, 31 март көнне «Түбән Кама Нефтехим» заводында полимеризация матдәсе түгелү нәтиҗәләрен бетергәндә, газ катнашмасының януы һәм аннан соң установкада янгын чыкты. Фаҗига нәтиҗәсендә предприятие, подряд оешмалары һәм янгын-коткару хезмәте хезмәткәрләре зыян күрде.
Кызыклы яңалыкларны күзәтеп бару өчен Телеграм-каналга язылыгыз