Түбән Камада хатын-кызлар өчен «Дога – ул гыйбадәт» догалар өйрәнү дәресләре уза
Скопировать ссылку
Түбән Кама мөхтәсибәте барлык теләүчеләрне «Дога – ул гыйбадәт» догалар өйрәнү дәресләренә кушылырга чакыра. Дәресләр Түбән Каманың «Җәмигъ» мәчетендә һәр сишәмбе 13:00 сәгатьтә уза. Бу хакта Татарстан мөселманнары Диния нәзарәте хәбәр итә.
Дәресләрне мәчет каршындагы курслар укытучысы Венера Якупова алып бара. Бу атнада ул дога кабул ителү ихтималы югары булган шартлар һәм вакытлар турында сөйләгән.
Дәресләр хатын-кызлар өчен үткәрелә. Киләсе дәресләргә теләге булган һәркем кушыла ала. Керү ирекле.
