Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада мамыксыз тирәк үсентеләре утырттылар
Түбән Камада агач утырту дәвам итә. Администрация командасы идарәче компанияләр белән Актүбә урамы буйлап 600дән артык сортлы пирамида сыман тирәк (мамыксыз) утыртты. Барлыгы 2000 үсенте утырту планлаштырыла. Бу хакта Түбән Кама муниципаль районы рәсми сайтында хәбәр ителә.
Белгечләр әйтүенчә, бу агач башкалардан бик тиз үсүе һәм шәһәр мохитенә тиз яраклаша алуы белән аерылып тора. Пирамида сыман тирәк - уникаль үсемлек, ул тәүлек әйләнәсе һаваны кислород белән баета, аның яфракларында фотосинтез төнлә да туктамый.
Питомник хезмәткәрләре елның бу вакытында утыртуның үзенчәлекләре турында сөйләделәр. Җир әле суынырга өлгермәгән, ә дым белән яхшы тукланган җирдә бу агачларны көз утырту бик яхшы.
«Без беренче төзүчеләребез салган яхшы традицияне дәвам итәбез. Пирамида сыман тирәк үсентеләрен без Чиләбедән алып кайттык. Безнең бурыч - агачларны магистральләр буйлап мөмкин кадәр күбрәк утырту. Агачлар утырту шәһәребезне тагын да яшелрәк һәм яшәү өчен уңайлырак итәр, дип өметләнәбез», – диде Түбән Кама мэры Рамил Муллин.
Төзекләндерү эшләре төп магистральләр буйлап дәвам итәчәк.
Кызыклы яңалыкларны күзәтеп бару өчен Телеграм-каналга язылыгыз