Түбән Камада медицина хезмәткәрләренең балалары хәрбиләргә хат язган
23 февраль алдыннан Түбән Кама үзәк район күппрофильле хастаханәсенең медицина хезмәткәрләренең балалары «Солдатка хат» акциясендә катнашты.
Махсус хәрби операциядә катнашучыларга хастаханә хезмәткәрләренең балалары һәм оныклары хатлар язган, иң күп хатларны медицина реабилитацияләү бүлегеннән тапшырганнар. Бу хакта Түбән Кама муниципаль районы рәсми сайтында хәбәр ителә.
Бүлек хезмәткәрләре хатларны бертөрле конвертларга тутырып, адресатларны «иң кыюга», «иң йөрәклегә», «иң тәвәкәлгә», «иң гайрәтлегә», «иң батырга» дип язган. Кайбер хатлар әле конвертларга салынмаган. Хастаханә коллективы волонтерларга утыздан артык хат тапшырачак. Бу хатлар тиздән фронт сызыгына посылкалар белән китәчәк.
Хастаханә коллективы әлеге акциядә катнашучыларның барысына да рәхмәтләрен белдерә һәм Ватанны саклаучылар көнен өйләреннән ерак җирдә бәйрәм итүче барлык Геройларга да үзләренең яхшы сүзләрен җиткерә.