Түбән Камада күпкатлы йортта янгын чыккан, ике кеше һәлак булган
Скопировать ссылку
Бүген Түбән Каманың Химиклар проспектында күп фатирлы йортларның берсендә янгын чыккан. Янгын сүндерүчеләр утны сүндергәндә ике зур кешенең мәетен тапкан. Аларның шәхесләре ачыклана. Бу хакта ТР прокуратурасы матбугат хезмәтендә хәбәр иттеләр.
Якынча мәгълүматларга караганда, янгын ут белән саксыз эш итү сәбәпле чыккан булырга мөмкин. Ут фатирның йокы бүлмәсендә чыккан.
Барлык шартларны ачыклау өчен урынга шәһәр прокуроры Илнур Гаянов килгән. Тикшерү үткәрелә.