Түбән Камада контракт хезмәтенә теләктәшлек марафоны чаралары башланды
Татарстан буенча «Все СВОи» контракт буенча хәрби хезмәткә ярдәм итү өчен масштаблы патриотик марафон уза. Түбән Камада да шушы акция чаралары башланды.
Иртәнге сәгать 8дән «Хыял» һәм «Глобал Арс» сәүдә үзәкләрендә теләге булган һәркем ГТО нормаларын тапшыра һәм автомат сүтеп җыюда үзен сынап карый ала. Әлеге нокталар 17 сәгатькә кадәр эшләячәк, дип хәбәр ителә НТР 24 телеканалы сайтында.
Фото: © ntr-24.ru
Фото: © ntr-24.ru
Татарстанда «Все СВОи» контракт буенча хәрби хезмәткә ярдәм итү өчен масштаблы патриотик телемарафон уза. 12 сәгатьлек туры эфир вакытында теләге булган һәркем контракт хезмәте һәм махсус хәрби хезмәт турында актуаль мәгълүмат, шулай ук геройлар тарихы һәм социаль ярдәм чаралары турындагы сорауларга җаваплар ала алачак.