Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Түбән Камада һәлак булучыларның гаиләләренә, зыян күрүчеләргә түләүләр икеләтә арттырыла
Түбән Камага һөҗүм вакытында һәлак булучыларның гаиләләренә һәм зыян күрүчеләргә икеләтә финанс ярдәме күрсәтеләчәк – республика компенсацияләре предприятиеләр һәм муниципалитетлардан түләүләр белән тулыландырылачак, дип хәбәр итте шәһәр мэры Радмир Беляев МАКСтагы рәсми каналында.
«Һәлак булганнарның гаиләләренә предприятиеләр 2 шәр млн сум түләячәк. Зыян күрүчеләргә – сәламәтлекләренә авыр яки уртача зыян килгәндә 600 мең сум һәм җиңелчә зыян килгәндә 300 мең сум», - дип язган Беляев.
Хәбәр ителгәнчә, һәлак булган кызның әнисе эшли торган предприятие гаиләгә өстәмә ярдәм күрсәтәчәк – 2 млн сум. Шулай ук муниципалитет бюджетыннан гаиләгә 1 млн сум бүлеп бирелгән.
«Предприятие җитәкчеләренә һәм гаиләләргә булышучыларга ярдәмнәре өчен рәхмәт. Бу авыр хәсрәтне бары тик бергә генә кичерә алабыз», - ди белдерә мэр.
Яңалыкларны күзәтеп бару өчен Макс-каналга язылыгыз