Түбән Камада балалар һәм яшүсмерләр ансамбльләре фестивале була

Скопировать ссылку

Шимбә көнне, 27 майда, Түбән Камада «Оркестр белән үзәк урам буйлап!» балалар һәм яшүсмерләр ансамбльләре һәм оркестрлары музыкаль фестивале уза.

Анда 2нче балалар музыка мәктәбенең вокаль һәм инструменталь коллективлары катнаша. Бу хакта Түбән Кама муниципаль районы рәсми сайтында хәбәр ителә.

Чараны үткәрү СИБУР компаниясе ярдәме белән мөмкин булды, проект «Яхшы эшләр формуласы» программасы кысаларында конкурста җиңүче булып тора.

Фестиваль 10:00 сәгатьтә Лемаев мәйданында башлана.

#Түбән Кама