Түбән Камада Җәлилнең 120 еллыгына багышланган китап укучылар конкурсы башланды
Скопировать ссылку
Түбән Кама районының Үзәкләштерелгән китапханә системасы шагыйрь Муса Җәлилнең 120 еллыгына багышланган «Батырлык юллары» муниципаль уку конкурсын башлап җибәрде. Бу хакта «Туган як» газетасы хәбәр итә.
Гаризалар 10 гыйнвар 17:00 сәгатькә кадәр сылтама буенча кабул ителә.
Конкурсның «очный» этабы 23-30 гыйнварда узачак. Аңа дистанцион сайлап алуны узган катнашучылар кертеләчәк. Конкурста 5 яшьтән өлкәнрәк шигырь сөйләүчеләр катнаша ала.
Номинацияләр:
- «Җәлил шигырьләре көйләре» (Муса Җәлил әсәре тулысынча яки өзек, татар телендә тәкъдим ителергә тиеш) 3 минутка кадәр
- «Поэт сердца и огня» (Муса Җәлил әсәре тулысынча яки өзек итеп рус телендә тәкъдим ителергә тиеш) 3 минутка кадәр
- «Һөнәри башкару» («21 яшьтән өлкәнрәк» яшь категориясе өчен) 5 минутка кадәр
- «Хранитель слова» (эссе, очерк, авторлык шигыре, хикәя һ. б.) («9-11 сыйныфлар һәм уку йортларының 20 яшькә кадәрге студентлары» һәм «21 яшьтән өлкәнрәк» яшь категорияләре өчен) 5 минутка кадәр