Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Түбән Камада 18 яшьлек кыз тәнендәге миңе имгәнү аркасында яман шеш белән авырый
Түбән Камада яшәүче 18 яшьлек кызга дүртенче стадия яман шеш диагнозын куйганнар. Пациент турында Түбән Кама үзәк район күппрофильле хастаханәсе табиб-дерматовенерологы Светлана Васильева сөйләде.
Кыз үзе сөйләвенчә, ул киенгән вакытта даими рәвештә тәнендәге миңенә тиеп китә торган булган, миң канаган, ә аннары кутыр белән капланган. Кыз табибка барырга ашыкмаган. Дерматовенеролог кабинетына килеп эләккәч кенә ашыгырга кирәк булганын аңлаган. Якынча диагноз – меланома. Амбулатор онкология ярдәме үзәге онкологлары пациентка дүртенче стадия яман шеш диагнозын куйган. Хәзер кыз бөтен көчен авыру белән көрәшүгә юнәлткән.
«Кызганычка, меланомага әйләнә торган миңнәр тиз арада лимфоген һәм гематоген метастазлар бирә. Шуңа күрә без меланомалы пациентларны шунда ук онкологлар янына җибәрәбез, мондый кешеләр өчен вакыт минутлар белән исәпләнә», – диде Светлана Васильева.
Табиб берничә мәртәбә имгәнгән, канаган миңнәргә, шулай ук төсле, караңгы төстәге һәм тигез булмаган миңнәргә игътибарлы булырга чакырды – миңнең төсе үзгәрергә яки ике төслегә әйләнергә тиеш түгел. Шулай ук меланома яки базалиома диагнозы куелган туганнары булган кешеләргә миңнәрен гел күзәтеп торырга кирәк.
Кызыклы яңалыкларны күзәтеп бару өчен Телеграм-каналга язылыгыз