Түбән Кама хирургы Истанбул марафонының алдынгы ун йөгерүчесе исемлегенә кергән
Скопировать ссылку
Түбән Кама балалар район хастаханәсе хирургы Рөстәм Гарипов Истанбул марафонында катнашты. 2 нче номерлы хирургия бүлеге мөдире күпердән башланып, Босфор бугазы буйлап уза торган 42,2 км араны узды. Бу хакта «Туган як» газетасы яза.
«Бугазга якын булу сәбәпле анда шактый җилле. Өстәвенә, дистанциянең икенче яртысында, нигездә, тауга йөгерергә туры килә», – диделәр балалар хастаханәсенең матбугат хезмәтендә.
Рөстәм Гарипов 3 сәгать 39 минут 22 секунд булган шәхси рекорды белән финишка килеп җитә һәм 45-49 яшь категориясендә Россиядән топ-10 катнашучы исемлегенә керә, диелә хәбәрдә.