Түбән Кама хәрбиләренә махсус операция зонасына ике машина җибәрәчәкләр
Түбән Кама хәрбиләренә махсус хәрби операция зонасына ике машина тапшырачаклар. Транспортны махсус операция зонасына 1нче славян бригадасында хезмәт итүче Бурбон позывнойлы хәрби илтәчәк. Хәзер аның артиллерия бригадасы Горловкада эшли.
Машинага акчаны Түбән Камада яшәүче Андрей Мишин гаиләсе тапшырган. Ир-ат Әфганстандагы хәрби хәрәкәтләр ветераны булган, ә махсус операция башлангач хатыны белән бергә хәрбиләргә төрлечә ярдәм күрсәтә башлаган. Августта ир-ат вафат булган, якыннары гаилә башлыгының патриотик гамәлләрен дәвам итәргә карар кылган.
«Ул егетләрнең хәлен аңлый иде, өстәвенә ул үзе гади авыл егете», — дип сөйләде Андрей Мишинның кызы Роза Князева.
Ир-атның Әфганстан чорындагы хезмәттәшләре Мишиннар гаиләсенә ярдәм итәргә тырышкан: төрле төбәкләрдән Андрейны җирләргә кайткан, искә алу көннәрендә катнашкан. Иптәшләре ир-атны «Палыч» позывное белән хәтерли – аңа якыннары һәм дуслары шулай мөрәҗәгать иткән. Хәзер бу сүз УАЗ «Патриот» капотын бизи. Гаилә башлыгының хатыны һәм балалары аны нәкъ менә шундый транспорт белән ассоциацияли.
«Мондый автомобильләр бик кирәк. Анда гадәти транспортта йөреп булмый. Мәсәлән, яраланганнарны алып чыгарга яки ашыгыч рәвештә ротация үткәрергә кирәк, нәкъ менә шундый машиналар сынатмый һәм бик озак хезмәт итә», — дип сөйләде Бурбон позывнойлы хәрби.
Машиналарны ремонтлау өчен Түбән Камадагы автокомплекс җаваплы. Бу команда әзерли торган 29нчы һәм 30нчы машиналар. Абыйлы-энеле Роман һәм Сурен Авдоян, транспорттан тыш, гуманитар ярдәмнең башка төрләре белән дә шөгыльләнә. Кием-салым, азык-төлек, техника, шәхси гигиена әйберләре, медицина җиһазлары һәм препаратлар җыя. Хәзер җылыту өчен җайланмалар кирәк, диләр. Кыш якынлашып килә.
«Бүгенге көндә халык һәм армия бердәм, тыл фронтка ярдәм итә, безнең егетләр үзләрен ялгыз итеп хис итми. Егетләр канәгать, алар белән шалтыратышып торабыз. Без бергә көч, дошман тар-мар ителәчәк, җиңү безнең кулда булачак, дип әйтәсе килә», - ди абыйлы-энеле Роман һәм Сурен Авдоян.
Бу Мишиннар алгы сызыкка җибәргән икенче машина. Беренче «УАЗ Патриот» узган елның декабрендә җибәрелгән. «Патриот» белән бергә махсус операциягә Лада 2105 автомобиле — Түбән Камадан махсус операциядә хезмәт итүче контрактчының шәхси транспорты китәчәк. Ул 2022 елдан бирле «Алга» батальоны составында хезмәт итә.
«Алар тиз төзәтелә, аларга акча аз тотыла, детальләр табу җиңелрәк, мондый машиналар төрле юлларда яхшы йөри», — ди Вжик позывнойлы хәрби.
Исегезгә төшерик, Татарстан Республикасы Дәүләт Советына юлламасы барышында Рөстәм Миңнеханов түбәндәгеләрне белдерде: «Җиңү безнең кулда булачак, геройларыбыз өйләренә әйләнеп кайтачак – без моңа ышанабыз. Без аларга тыныч тормышка кайту өчен барлык кирәкле шартларны тудырырга тиеш. Бу тулы бер мәсьәләләр комплексын хәл итүне сораячак. Беренче чиратта, махсус хәрби операция ветераннарын социализацияләү һәм реабилитацияләү, аларны эшкә урнаштыру, кичекмәстән барлык ярдәм чараларын күрсәтү буенча мәсьәләләрне хәл итәргә кирәк булачак».
2 сентябрьдән Татарстанда РФ Саклану министрлыгы белән контракт төзүчеләргә 2 миллион сумга кадәр акча түләнә. Түләүнең күләме арту республикада хәрби хезмәткәрләргә түләүләр арттырылу белән бәйле.
РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221 44 52. Моннан тыш, 8 (800) 222 59 00 номеры буенча мөрәҗәгать итәргә була.
Материал Надежда Баһаветдинова катнашында әзерләнде.