Мәдәният 19 ноябрь 2022 20:33

Түбән Кама шәһәренең «Апуш» балалар китапханәсе 55 еллыгын билгеләп үтте

Скопировать ссылку

Түбән Кама шәһәренең «Апуш» балалар китапханәсе 55 еллыгын билгеләп үтте. Китапханәне бәйрәме белән тәбрикләргә аның күпсанлы укучылары, язучылар, мәдәният хезмәткәрләре, җитәкчеләр килгән иде.

Кичәдә китапханәнең башлангыч чорын, заман белән бергә барган үзгәрешләрне искә алдылар. Китапханә 5 ел элек яңартылган, заманча бинага күчкән. Мисал өчен, 2015 елда ул «Елның иң яхшы китапханәсе» исеменә лаек булган. Бу хакта «Көмеш кыңгырау» сайтында хәбәр ителә.

Китапханәне котларга Түбән Кама шәһәренең Мәдәният бүлеге башлыгы Гүзәл Мөбәрәкшина да килгән иде. «Бүгенге көндә китапханәдә бик кызыклы проектлар эшли. Без гаджетларны китап белән бәйләү юлларын эзлибез», - дип сөйләде ул.

Юбилей уңаеннан китапханә хезмәткәрләренә мактау кәгазьләре, Рәхмәт хатлары тапшырылды. Өлкәннәр китапханәсе җитәкчесе Анфиса Фәйзетдинова балалар өчен 55 китап бүләк итте. Китапханәне Кызлар мәктәбе вәкилләре, Аксакаллар шурасы да тәбрикләде.

Сәхифәләр

Түбән Кама шәһәренең «Апуш» балалар китапханәсе 55 еллыгын билгеләп үтте