Түбән Кама Сабан туеның абсолют батыры нинди бүләк алачагы билгеле булды
Түбән Камада Сабантуй 15 июньдә узачак. Милли көрәш ярышларында катнашучылар төп призлар — 100 мең сумлык сертификат һәм тәкә өчен көрәшәчәк. Бу хакта «Шинник» спорт комплексының матбугат хезмәте җитәкчесе һәм көрәш буенча алыштыргысыз судья Виктор Шадрин хәбәр итте. http://nkamsk-rt.ru/ сайтында Фәридә Зарипова шул хакта яза.
Быел ир-атлар арасында көрәш 65, 70, 80, 90, 100 һәм 100 килограммнан артык алты үлчәү категориясендә узачак. Югарыда санап үтелгән төркемнәрдә түбәнкамалылар белән беррәттән республиканың башка шәһәрләре һәм районнарыннан да спортчылар көрәшә алачак.
Әмма абсолют беренчелектә Түбән Кама һәм Түбән Кама районнары вәкилләре генә катнаша ала.
Исегезгә төшерәбез, Түбән Камада Сабантуй 15 июньдә узачак. Сабан бәйрәменең хедлайнерлары Фирдүс Тямаев, Ришат Төхвәтуллин, Роберт Ямгуров, «CRYSTAL» шоу-балеты, «Чак-Чак БЭНД» төркеме булачак.