Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Түбән Кама перинаталь үзәген дезинфекция үткәрү өчен февральгә кадәр япканнар
Түбән Кама район балалар хастаханәсе перинаталь үзәген планлы дезинфекция үткәрү өчен япканнар. Бу хакта мәгълүмат медицина учреждениесенең телеграм-каналында урнаштырылган.
«Булачак әниләргә борчылыр өчен сәбәп юк: бу бала табучы хатын-кызларның һәм яңа туган сабыйларның иминлеген тәэмин итү өчен үткәрелә торган даими чара», - дип хәбәр итә хастаханәнең матбугат хезмәте.
Санитар-гигиена эшкәртү һәм дезинфекция эшләре 19 гыйнвардан 2 февральгә кадәр планлаштырылган. Барлык чаралар санитар-эпидемиологик кагыйдәләр һәм нормаларга туры китереп башкарылачак.
Дезинфекция үткәрү вакытына Түбән Камада яшәүче хатын-кызларга Чаллыдагы Кама балалар медицина үзәгендә, ә Зәйдә яшәүче хатын-кызларга Әлмәттә ярдәм күрсәтәчәкләр.
Кызыклы яңалыкларны күзәтеп бару өчен Телеграм-каналга язылыгыз