Җәмгыять 9 сентябрь 2024 07:10

Түбән Кама пенсионерларын «Көзге уңыш-2024» күргәзмә-бәйгедә катнашырга чакыралар

Скопировать ссылку

Түбән Камада «Берегиня» клубы пенсионерлары Кызыл-Чишмә бистәсендәге «Мирас» мәдәният йорты хезмәткәрләре белән «Көзге уңыш-2024» дигән күргәзмә-бәйге оештыра. Ел саен көзге уңышлар жыеп алгач үткәрелә торган бу күргәзмә быел да «Мирас» мәдәният йортының кече залында була. Бу хакта http://nkamsk-rt.ru сайтында «Берегиня» клубы җитәкчесе Земфира Рәхимова яза.

Катнашырга теләге булган пенсионерлар үзләренең бакчасында үстергән жиләк-җимеш, яшелчә, алардан әзерләнгән ризыкларын, чәчәк бәйләмнәрен 13 сентябрь көнне 10.00 сәгатьтә алып килеп, матур итеп тезеп куярга тиеш.

Жюри әгъзалары «Яшелчәләр», «Чәчәкләр», «Җиләк-жимешләр», «Бакча культурасы», «Кулинария» һәм «Консервлау» номинацияләрендә җиңүчеләрне билгеләячәк.

Катнашырга теләүчеләр 10 сентябрьгә кадәр 8-917-235-46-15; 45-64-74 телефон номерларына шалтыратып хәбәр итә ала.

Күргәзмәнең тантаналы ачылышы 13 сентябрь көнне 11.00 сәгатькә планлаштырылган.

#Түбән Кама

Сәхифәләр

Түбән Кама пенсионерларын «Көзге уңыш-2024» күргәзмә-бәйгедә катнашырга чакыралар