Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама мэры «Ак каен» мәчете төзелеше белән танышты
![Түбән Кама мэры «Ак каен» мәчете төзелеше белән танышты](https://tatar-inform.tatar/resize/shd/images/uploads/news/2024/5/16/460fa09b3a1f291916679f2b5be1573c.jpg)
Түбән Кама мэры Рамил Муллин кичә «Ак каен» мәчете төзелеше белән танышты. Бу хакта https://nkamsk-rt.ru/ сайты шәһәр администрациясенең матбугат хезмәтенә сылтама белән хәбрә итә..
Мәчет шәһәрнең 35а микрорайонында урнашкан. Ул 2019 ел ахырында төзелә башлады.
Мәчетне ачык төсләрдә төзергә планлаштыралар, фасады кирпечтән булачак. Биредә инде электр монтажлау эшләре тәмамланган, җылыту һәм вентиляция эшли башлаган. Белгечләр эчке бизәү белән шөгыльләнәләр. Ике катлы бина 400дән артык кешене сыйдыра алачак. Мәчет тирәсендә территория төзекләндереләчәк.
«Сәфәрнең максаты — объектның бүген нинди стадиядә булуын карау. Безнең өчен бу бик мөһим, чөнки быел мәчет янында балалар поликлиникасы ачарга планлаштырабыз, хәзер ул да төзелә», — дип билгеләп үтте Рамил Муллин.
Мәчет төзелеше тулысынча иганәчеләр акчасына алып барыла. Барлык төп эшләрне быел тәмамлап, мәчетне киләсе елда тулысынча тапшыру планлаштырыла.
Кызыклы яңалыкларны күзәтеп бару өчен Телеграм-каналга язылыгыз