Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама мәктәпләрендә яңа профильле сыйныфлар барлыкка киләчәк
![Түбән Кама мәктәпләрендә яңа профильле сыйныфлар барлыкка киләчәк](https://tatar-inform.tatar/resize/shd/images/uploads/news/2024/6/27/6255023af5daaf237e8d2f4de2df2ef7.jpeg)
«Промхимтех» алдынгы инженерлык мәктәбе, Түбән Кама химия-технология институты һәм мәктәпләр арасында өч яклы килешү имзаланды. Бу хакта https://tat.e-nkama.ru/ хәбәр итә.
Инициатива балаларны кечкенәдән үк сәнәгать предприятиеләрендә уңышлы карьерага әзерләүгә юнәлдерелгән. Программа кысаларында укучыларны «Промхимтех» лабораторияләре базасында профессионаллар укытачак. Бу яшьләр алдында зур мөмкинлекләр ачачак: конкурсларда, олимпиадаларда, профильле сменаларда катнашу, ә иң мөһиме – үз эшенең профессионаллары белән тәҗрибә.
Түбән Кама муниципаль районы мәгариф идарәсе җитәкчесе Айдар Гарифуллин шәһәрнең мәгариф потенциалын үстерү өчен проектның әһәмиятлелеген әйтте. «Балаларыбыз өчен иң яхшы шартлар булдырырга телибез. Монда өстәмә рәвештә укытучылар ярдәме дә бар: квалификация күтәрү курслары, стажировка. Педагоглар төрле яклап үсеш алганда, балаларыбыз яхшы нәтиҗәләр белән сөендерәчәк», – диде ул.
Якын арада сыйныфлар формалашачак һәм факультативлар форматында укыту башланачак.
Кызыклы яңалыкларны күзәтеп бару өчен Телеграм-каналга язылыгыз