Түбән Кама мәктәбендә эшкәртелгән пластиктан ясалган пандус урнаштырдылар
Түбән Каманың 18нче мәктәбендә физик мөмкинлекләре чикләнгән балалар өчен эшкәртелгән пластиктан ясалган пандус куйдылар. Проект кысаларында Түбән Каманың дүрт белем бирү учреждениесендә пластик шешәләр һәм флаконнар кабул итү буенча Bottle Bank фандоматлары барлыкка килде. Бу турыда Түбән Кама муниципаль районы рәсми сайтында хәбәр ителә.
Җыелган икенчел чимал эшкәртелгәннән соң, икенче тормыш ала һәм файдалы инфраструктура җитештерү өчен материал булып хезмәт итә. Бер үк вакытта катнашучылар BottleCoin баллары белән бүләкләнә, аларны лояльлек программасы партнерларыннан, шул исәптән локаль тәкъдимнәргә (ташламалар, бонуслар, акцияләр) алыштырырга мөмкин.
Түбән Камада эшкәртелгән пластиктан беренче пандус урнаштыру өчен Түбән Каманың 18нче мәктәбен сайладылар. Коймалы пандус балаларга ата-ана ярдәменнән башка баскыч аша үтәргә һәм мәктәпкә керергә ярдәм итәчәк.
«Пандус безнең укучыларның мобильлеге белән бәйле күпсанлы проблемаларны хәл итә. Балалар һәм ата-аналар канәгать, хәзер аларга йөрү җиңелрәк», - дип шәрехләде 18нче мәктәп директоры Минзәлә Ямашева.