Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама егете Воткинскида триатлон җиңүчесе булды
![Түбән Кама егете Воткинскида триатлон җиңүчесе булды](https://tatar-inform.tatar/resize/shd/images/uploads/news/2024/7/6/94b30be523da24e78a9dd0feeeb29af8.jpg)
Түбән Камадан Вячеслав Соколов Воткинскида триатлон җиңүчесе булды.Илнең төрле төбәкләреннән 200гә якын спортчы дистанциядә аның көндәшләре булган. Максим Вылегжанинны, мәсәлән, күпләрегез Сочи-2014 олимпиадасының алтын медаль иясе буларак белә. Катнашучыларга 750 м йөзәргә, 20 км велосипедта йөрергә һәм 5 км йөгерергә кирәк булган. Бу хакта Түбән Кама муниципаль районы рәсми сайтында хәбәр ителә.
«Ярышлар көнендә көчле җил булды, көчле дулкыннар китереп чыгарды, ул күпләргә беренче этапны катлауландырды. Бу йөзү нәтиҗәсенә һәм ниндидер мәгънәдә бөтен ярышларга бераз йогынты ясады. Мин дулкыннарны яхшы гына җиңә алдым һәм велоэтапка лидерлар төркемендә бара алдым. Велосипедны нык яратам, шуңа да йөгерү алдыннан бер минуттан артык өстенлек белән велоэтапны тәмамларга мөмкинлек булды. Йөгерү этабында вакыт запасы миңа ярышны контрольдә тотарга булышты. Көндәшләрне борылышларда күрдем, аларның хәлен һәм аермасын бәяләдем. Өстенлекне саклап, мин абсолют зачетта беренче урында килдем», - дип сөйләде спортчы ярышлар турында.
Вячеслав триатлон белән 7 елдан артык шөгыльләнә, спорт мастерына кандидат һәм триатлон буенча Татарстан җыелма командасы әгъзасы булып тора.
«Санкт-Петербургта узачак Россия чемпионатына озын дистанциядә катнашырга әзерләнәм – 3,8 км йөзәргә, 180 км велосипедта йөрергә, 42 км йөгерергә кирәк булачак. Узган старт әзерлек этапларының берсе булды», - ди Вячеслав.
Кызыклы яңалыкларны күзәтеп бару өчен Телеграм-каналга язылыгыз