Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Түбән Кама башлыгы: БПЛА һөҗүменнән соң эвакуацияләнгән кешеләргә кирәкле ярдәм күрсәтелә
Түбән Камада пилотсыз очкыч һөҗүме нәтиҗәсендә зыян килгән күпфатирлы йорттан эвакуацияләнгән һәм «Шифалы» шифаханәсендә урнаштырылган кешеләргә барлык кирәкле ярдәм күрсәтелә. Бу хакта Түбән Кама районы башлыгы Радмир Беляев социаль челтәрләрдә районга Татарстан Рәисе Рөстәм Миңнеханов килү турында язганда хәбәр итте.
Район җитәкчесе шулай ук вакытлыча урнаштыру пунктындагы кешеләр өчен яшәү һәм туклану оештырылуын ассызыклады.
«Рөстәм Нургалиевичка Түбән Камага шәхси игътибары һәм халкыбызга күрсәткән ярдәме өчен рәхмәт. Безнең өчен бу бүгенге көндә аеруча мөһим», – дип өстәде Радмир Беляев.
Татарстан Рәисе Түбән Камага сәфәре вакытында дрон һөҗүме нәтиҗәсендә зыян килгән күпфатирлы йортны карады һәм вакытлыча урнаштыру пунктындагы кешеләр белән аралашты. Йортны караганнан соң, ул зыян килгән конструкцияләрне тиз арада сүтү һәм яңадаң төзекләндерү эшләрен башкарырга, шулай ук бөтен бинага капиталь ремонт ясауны тәэмин итәргә кушты.
Кызыклы яңалыкларны күзәтеп бару өчен Телеграм-каналга язылыгыз