Түбән Кама артистлары Татарстанда казак җырын иң яхшы башкаручылар дип танылды
Казак җырын башкаручыларның республика конкурсының финал этабы узды, анда Түбән Кама артистлары да катнашты. Бу хакта https://tat.e-nkama.ru/ сайтында хәбәр ителә.
Тамашачылар һәм жюри хөкеменә ике составны – хатын-кызлар һәм катнаш составны тәкъдим иткән «Забава» ансамбле чыгышы чын триумф булды. Ике ансамбль дә, тыңлаучыларның күңелен яулап, 1 дәрәҗә лауреат булдылар. Аккомпаниатор Владимир Васильевич Киселевның виртуоз уены аеруча билгеләп үтелде.
Өлкән иптәшләреннән яшь талантлар – Климентий Бендюков һәм Иван Омельченко составындагы «Забавята» дуэты да калышмады. Балалар, артистлык һәм талант күрсәтеп, 3 дәрәҗә лауреат исеменә лаек булды.
«Вольные распевы» казак җыры ансамбле чыгышы залда көчле алкышлар уятты. Ансамбль 1нче дәрәҗә лауреат исеменә лаек булды. Кичәнең кульминациясе булып «Вольные распевы» коллективы җитәкчесе Ольга Вәлиуллинаны бүләкләү булды. Ул конкурсның иң югары бүләге – Гран прига лаек булды.