Цариковский: торак-коммуналь хуҗалык тарифларын формалаштыру алымын тамырдан үзгәртү кирәк
Бүген Россиядә еш кына элегрәк гамәлдә булган тарифка дефлятор өстиләр һәм арттырылган тариф кертәләр.
(Казан, 26 март, «Татар-информ», Марат Ишкильдин). Бүген Россиядә еш кына элегрәк гамәлдә булган тарифка дефлятор өстиләр һәм арттырылган тариф кертәләр. Тарифларны формалаштыру алымын тамырдан үзгәртергә кирәк, дип белдерде статс-секретарь - Россия Монополиягә каршы федераль хезмәт җитәкчесе урынбасары Андрей Цариковский журналистларга.
«Монополиягә каршы федераль хезмәттә еш кына тарифларны тикшергәндә аңа булмаган әйберне өстәүгә бәйле проблема белән очрашалар. Минем фикеремчә, тарифларны формалаштыру алымын тамырдан үзгәртергә кирәк», - дип искәртте ул.
Цариковский әлеге уңайдан чүп түгүгә бәйле тарифны мисал итеп китерде. Ул чүпне «ГАЗ-53» йөк автомобильләренә төяп җибәрәләр дип фаразлый.
«ГАЗ-53» автомобилен соңгы тапкыр кайчан күрдегез? Минем аны балачакта күргәнем бар. Миңа инде 50 тулып китүен исәпкә алсак, моның шактый күптән булуы аңлашыла», - диде Россия Монополиягә каршы федераль хезмәт җитәкчесе урынбасары.