Трусова һәм Вәлиева Мәскәү җыелма командасының төп составына керде
Скопировать ссылку
Александра Трусова һәм Камилә Вәлиева Мәскәүнең киләсе сезонга фигуралы шуу буенча җыелма командасының төп составына керде. Спортчыларның фамилияләре башкаланың Спорт департаменты сайтында урнаштырылган — Вәлиева дүртенче, ә Трусова сигезенче итеп күрсәтелгән.
Элегрәк спортчылар икесе дә Россия җыелма командасының резерв составына кертелгән иде. Вәлиева 2025 елның октябрендә тренировкаларын яңадан башлап җибәрде. Ул 25 декабрьдән, допинг кулланган өчен дисквалификацияләү срогы тәмамланганнан соң, ярышларда катнаша ала. Трусова 2026 ел башында карьерасын яңадан башлавы турында игълан итте. Ул Этери Тутберидзе белән шөгыльләнәчәк.