Авыл 27 октябрь 2014 16:15

ТРның ике районы фермерлары продукция эшкәртү өчен берлек булдырды

Кооперация авыл товар җитештерүчеләренә үстерелгән продукцияләрен уңышлы сату мөмкинлеге бирә

Скопировать ссылку

(Казан, 27 октябрь, «Татар-информ», Ирина Игнатьева). Татарстанның Югары Ослан һәм Кама Тамагы районнары фермерлары үзләре җитештергән продукцияне эшкәртү өчен берлек булдырды. Кооперация авыл товар җитештерүчеләренә үстерелгән продукцияләрен уңышлы сату мөмкинлеге бирә.

Бу хакта “Татар-информ” агентлыгы хәбәрчесенә ТР Югары Ослан районы фермеры Мурат Сираҗин белдерде. Ул каз, үрдәк, тавык, күркә кебек йорт кошлары үстерә. Бу көннәрдә ул кош итеннән тушенка чыгара башлаган. Якын арада ул йорт куяннары, шулай ук ат, сыер итеннән тушенка җитештерүне җайга салырга планлаштыра. Чимал белән берлек фермерлаы тәэмин итәчәк. Моның өчен аларга заявка бирү җитә.

Моннан тыш, ике район фермерлары бергәләп сөт эшкәртүне җайга салырга ниятли.

Сәхифәләр

ТРның ике районы фермерлары продукция эшкәртү өчен берлек булдырды