Җәмгыять 8 октябрь 2014 15:53

ТРның Арча районында Олы Әтнә – Ташкичү төбәк автомобиль юлын төзекләндерү эшләре төгәлләнде

Каты өслекле трассаның озынлыгы 5,8 км тәшкил итә

Скопировать ссылку

(Казан, 8 октябрь, «Татар-информ»). Татарстанның Арча районында Олы Әтнә – Ташкичү төбәк автомобиль юлын төзекләндерү эшләре төгәлләнде. Каты өслекле трассаның озынлыгы 5,8 км тәшкил итә, дип аңлата ТР Транспорт һәм юл хуҗалыгы министрлыгы матбугат хезмәте.

Автомобиль юлы һәрберсе 3,5 м киңлектә булган ике полосадан тора.

Трассаны төзекләндерү 2013 елда ТР гомумкуллану юлларында эшләр алып бару программасы буенча башланды. Каты өслекле юлның озынлыгы 5,84 км тәшкил итә. Хәрәкәт иминлеге тәэмин итү өчен юл буйлап 196 сигнал баганасы, 63 юл билгесе, 1,3 мең метр металлик барьер каршылыгы урнаштырылган.

Юл салуның генподрядчысы - “Татавтодор” ААҖ, проект оешмасы – “АгроТрансПроект” ЯАҖ.

Сәхифәләр

ТРның Арча районында Олы Әтнә – Ташкичү төбәк автомобиль юлын төзекләндерү эшләре төгәлләнде