Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ТРда 2013 нче елда мәктәпләрне капиталь төзекләндерү белән шөгыльләнәчәк төзелеш оешмалары сайланган
Исемлеккә намуссыз оешмалар да кергән, ләкин бу эшне башкарганда алардан баш кагу карары кабул ителгән
(Казан, 2 февраль, «Татар-информ», Эмма Ситдыйкова). ТРда 2013 нче ел исемлегенә кергән мәктәпләргә капиталь ремонт ясаячак төзелеш оешмалары исемлеге билгеләнгән. Бу хакта ТР Хөкүмәт Йортындагы киңәшмәдә ТР төзелеш, архитектура һәм торак-коммуналь хуҗалыгы министрының беренче урынбасары Фәрит Хәнифов хәбәр итте.
Исемлеккә 2012 нче елда мәктәпләргә капиталь ремонт ясау программасында үзләрен намуссыз күрсәткән оешмалар да кергән, ләкин алар кире кагылган. Аларны башка оешмалар белән алыштырдылар, дип ачыклык кертте Фәрит Хәнифов.
Бу карарны республика Президенты да хуплады.
Фәрит Хәнифов сүзләренчә, 2013 нче елда 162 мәктәптә (шул исәптән, Казанның 20 мәктәбендә) һәм 7 махсус мәктәптә ремонт ясалачак, гомуми бәясе – 2,5 миллиард сум.
Проект-эзләү эшләренә 25 миллион сум бүлеп бирелгән. Проект оешманы билгеләү буенча конкурс үткәрелгән. Конкурс нәтиҗәләре буенча, “Татинвестгражданпроект” учреждениесе белән дәүләт килешүе төзелгән.
Кызыклы яңалыкларны күзәтеп бару өчен Телеграм-каналга язылыгыз