Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Транспорт министрлыгы: Россия Мисыр белән авиаэлемтәләр яңаруына өметләнә
Бу хакта Россия транспорт министры урынбасары Валерий Окулов хәбәр итте, дип җиткерә "Российская газета".
(Казан, 24 май, "Татар-информ"). Россия Мисыр ягының Россия белгечләре киңәшләрен истә тотуына һәм Россия белән Мисыр арасында авиаэлемтәләр яңаруына өметләнә. Бу хакта Россия транспорт министры урынбасары Валерий Окулов хәбәр итте, дип җиткерә "Российская газета".
"Әлеге мәсьәлә буенча Россия ягының позициясе Россия белгечләре үткәргән тикшерүдән соң, февраль аеннан бирле үзгәрмәде. Без Мисыр ягының кимчелекләрен төзәтүенә өметләнәбез һәм авиаэлемтәләр яңарачак”, – дип җиткерә Окулов сүзләрен ТАСС агентылыгы.
Шуның белән бергә, Транспорт министрлыгы вәкиле Мисыр аэропортларына Россия белгечләрен тикшерү өчен кертмәүләре турындагы алдан җиткерелгән хәбәрне шәрехләмәгән, төгәл срокларны да атамаган.
Искәртеп үтик, Россия белән Мисыр арасында очышлар 2015 елның ноябрендә "Когалымавиа" компаниясе самолеты бортында булган теракт аркасында, 230 пассажирның гомере өзелгәннән соң туктатылган иде.
Авиаэлемтәләрне яңарту турында сөйләшүләр ел ярым бара инде. Россия ягы Мисыр аэропортларында куркынычсызлык чараларын көчәйтүне таләп итә. Сүз аэропортларда безнең илгә очучы рейслар вакытында даими рәвештә Россия белгечләренең булырга тиешлеге турында бара.
Кызыклы яңалыкларны күзәтеп бару өчен Телеграм-каналга язылыгыз