Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Транспорт министрлыгы Казан кешеләренең начар юллар турындагы шикаятьләренә җавап бирде
Казанда барлык юллар да чират тәртибендә ремонтланачак, әмма ремонт чираты бу эшләрне башкара торган оешмага бәйле.
«Төгәл чиратны әйтә алмыйбыз. Бу оешмага бәйле, һәр оешманың үз юл участогы, үз объекты, үз эш күләме. Ә инде теге яки бу юлның нинди чиратта торуын оешмада тәгаен ачыкларга кирәк», - дип сөйләделәр «Татар-информ»га Татарстан Республикасы Транспорт һәм юл хуҗалыгы министрлыгында.
Шул ук вакытта министрлыкта, тулаем алганда, ай дәвамында Казанда барлык юллар да эшләнергә тиеш, дип ачыклык керттеләр.
«Әгәр дә шәһәр кешесенең ниндидер конкрет мөрәҗәгате, үтенече яки соравы бар икән, ул безгә, транспорт министрлыгына (Татарстан Республикасы) килергә, анкета яки гариза калдырырга мөмкин, һәм аннары аны министр яки аның урынбасары белән очрашуга чакырачаклар. Казанлы аңа барлык сорауларны бирә һәм аларны хәл итү турында фикер алыша алачак», - дип сөйләделәр министрлыкта.
Искәртик, элегрәк массакүләм мәгълүмат чараларында хәбәр итүләренчә, казанлылар 2нче балалар поликлиникасыннан ерак түгел Шмидт урамындагы сыйфатсыз юлларга зарлана. Җирле халык сүзләренчә, медучреждение янындагы юл өслегенең сыйфаты начар, шул ук вакытта юлчылар участокларны берничә көн ремонтлый. «Татар-информ» журналисты соңрак әлеге участокта юлда чыннан да чокырлар булуына инанды. Өстәвенә, тигезсезлек аркасында юлда күпсанлы күлләвекләр барлыкка килә.
Кызыклы яңалыкларны күзәтеп бару өчен Телеграм-каналга язылыгыз