Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Транспорт министрлыгы ел ахырына кадәр Мисырга очышлар турында указ проекты әзерли
Икенче елга Хургада һәм Шарм эль Шейхка очышларны яңарту турында сөйләшүләр алып барылачак.
(Казан, 17 декабрь, "Татар-информ"). Россия Транспорт министрлыгы ел ахырына кадәр Мисыр белән авиаэлемтәләрне яңарту турында президент указы проектын әзерләп хөкүмәткә җибәрү турында планлаштыра. Бу хакта ведомство башлыгы Максим Соколов җиткерә, дип яза “Российская газета”.
Икенче елга Хургада һәм Шарм эль Шейхка очышларны яңарту турында сөйләшүләр алып барылачак.
Искәртеп үтик, шундый килешү кичә Россиягә Мисыр делегациясенең эшлекле сәфәре барышында мөмкин булды.
Россия һәм Мисыр транспорт хакимияте Россия һәм Мисыр хөкүмәтләре арасында гражданлык авиациясе куркынычсызлыгын тәэмин итү буенча хезмәттәшлек турында протоколны имзалады.
Мисыр Гарәп Республикасы делегациясе башлыгы, Мисыр гражданлык авиациясе министры Шәриф Фәхти сөйләшүләрнең апрельдә үтәчәген җиткергән. Әмма Россия ягы алдан Хургада һәм Шарм эль Шейх аэропортларында куркынычсызлык тәэмин ителү өлкәсендә тикшерү үткәрергә ниятли.
Россия Транспорт министрлыгында җиткерүләренчә, Указга үзгәрешләр кертелгәч, Россия һәм Мисыр (Мәскәү – Каһирә) авиаэлемтәләрен яңартуда юридик каршылыклар булмаячагын белдерә.
Кызыклы яңалыкларны күзәтеп бару өчен Телеграм-каналга язылыгыз