Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ТР Студентлар лигасы ТР Сәнәгать һәм сәүдә министрлыгы белән килешү имзаларга җыена
Чара кысаларында республиканың төп яшьләр оешмасының әһәмиятле проектларын тәкъдир итү көтелә
(Казан, 7 февраль, «Татар-информ»). 8 нче февраль көнне ТР Сәнәгать һәм сәүдә министрлыгы һәм ТР Студентлар лигасы арасында тантаналы төстә килешү төзеләчәк. Бу хакта лиганың матбугат хезмәте хәбәр итә.
Искәртеп узабыз, 15 нче декабрь көнне ТР Премьер-министры Илдар Халиков йөзендә ТР Хөкүмәте, вуз ректорлары советы рәисе йөзендә ТР югары уку йортлары ректорлары советы һәм оешма президенты Тимур Сөләйманов йөзендә ТР Студентлар лигасы арасында өчьяклы килешү имзаланган иде. Бу вуз студентларының социаль гарантия һәм ташламаларын саклау, законлы хокукларн яклау өчен төп документ булып тора.
Хәзер Студентлар лигасы ТР Сәнәгать һәм сәүдә министры белән очрашу инициативасы белән чыккан. Чара кысаларында республиканың төп яшьләр оешмасының әһәмиятле проектларын тәкъдир итү, шул истәптән, студентларны эш урыннары белән тәэмин итү максатын күзаллаган «Иң яхшы чыгарылыш студентлары» проекты белән таныштыру ниятләнә. Республика активистлары шулай ук үзләрен кызыксындырган сораулар белән министр Равил Зариповка мөрәҗәгать итә алачак.
Очрашу кысаларында министрлык һәм Студентлар лигасы арасында хезмәттәшлекне кәгазьдә рәсмиләштерү көтелә.
Кызыклы яңалыкларны күзәтеп бару өчен Телеграм-каналга язылыгыз