Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
ТР стратегик үсеш юнәлешләре быел Россия-Сингапур бизнес-форумында презентацияләнәчәк
Беренче тапкыр буларак, Татарстан Республикасының аерым секциясе дә оештырылачак
(Казан, 2 июнь, “Татар-информ”).Татарстанның стратегик үсеш юнәлешләре, эре предприятиеләренең потенциалы быел сентябрь аенда узачак Россия-Сингапур бизнес-форумында презентацияләнәчәк. Россия-Сингапур форумы кысаларында, беренче тапкыр буларак, Татарстан Республикасының аерым секциясе дә оештырылачак. Ул “түгәрәк өстәл” утырышлары һәм күргәзмә-презентация форматында уйланылган.
Форумда Татарстан делегациясен Президент Рөстәм Миңнеханов җитәкләр дип көтелә. ТР Икътисад министрлыгы әзерли торган презентациядә “Алабуга” МИЗ, IT- технологияләргә, нефть химиясе һәм автомобиль төзелешенә төп игътибар биреләчәк. “Түгәрәк өстәл” утырышында мәгълүмат технологияләре һәм автомобиль төзелеше өлкәләрендә Татарстан белән хезмәттәшлек мөмкинлекләре өйрәнеләчәк.
Сингапур делегациясенең шушы көннәрдә Татарстанга эш сәфәре барышында әлеге һәм ике арада хезмәттәшлеккә кагылышлы башка мәсьәләләр каралган. Делегация составында “Сингапурның халыкара предприятиеләре” компаниясе генераль директоры Чонг Лит Чеон, Россиядә халыкара сәүдәне үстерү буенча комитетның вәкиллекле үзәге директоры Джейзи Йип, бизнесны үстерү бүлеге менеджеры Сергей Самарец бар иде, дип хәбәр итә Икътисад министрлыгының матбугат хезмәте.
Июнь аенда исә Сигапурда Дөнья шәһәрләренең ΙΙ саммиты –шәһәрләрнең тотрыклы үсеше һәм дәүләт идарәсе мәсьәләләренә багышланган халыкара конференция узачак.
Кызыклы яңалыкларны күзәтеп бару өчен Телеграм-каналга язылыгыз